EURES é unha rede creada pola
Comisión Europea, con representantes en todos e cada un dos Estados membros da
Unión Europea, co fin de prestar servizos de información, asesoramento e
colocación destinados aos traballadores e aos empresarios, sobre o mercado de
traballo no Espazo Económico Europeo.
Dentro da Rede EURES atópase o
Servizo EURES Transfronteirizo para dar resposta ás necesidades de información
ligadas aos traballadores e empresarios
en áreas de fronteira.
Existen vinte servizos transfronteirizos,
un dos cales é o de Galicia-Norte Portugal que ten entre outros, os seguintes obxectivos:
·
Facilitar o acceso á información sobre ofertas e demandas
de emprego na área transfronteiriza Norte Portugal-Galicia.
·
Asesorar sobre a lexislación de ambos os dous países en
materia laboral, fiscal, social…
·
Proporcionar elementos informativos sobre condicións de
vida e traballo a ambos os dous lados da fronteira.
·
Orientar en materia de formación e prácticas profesionais
na rexión transfronteiriza.
O Servizo Eures Transfronteirizo Norte
Portugal-Galicia está integrado polos Servizos Públicos de Emprego,
Universidades, Organizacións Empresariais e Sindicais así como entidades locais
de Galícia e do Norte de Portugal.
No hay comentarios:
Publicar un comentario